Қысқаша біз туралы

    1993 жылдың 16 маусымында Қазақстан Республикасы Президентінің «Қазақстан Республикасындағы құқықтық реформаның тиімділігін арттыру жөніндегі шаралар туралы» №1228 Жарлығына қол қойылды. Оның 8-тармағында Республикалық құқықтық ақпарат орталығын құру жөнінде айтылған болатын.

    2011 жылдың 17 маусымында Қазақстан Республикасы Әділет министрлігінің «Республикалық құқықтық ақпарат орталығы» республикалық мемлекеттік кәсіпорнына 18 жыл толды. Өзінің қалыптасу жолында РҚАО Әділет министрлігінің шағын бөлімінен дамыған филиалдық желісі бар дербес компанияға дейін өсті және Қазақстанның ақпараттық-құқықтық қызмет көрсету нарығында жетекші орынды берік иеленді. Компания алдында тұрған міндеттерді есепке ала отырып, бүгінгі таңда РҚАО - мемлекеттің ақпараттық-құқықтық саясатын уағыздаушы болып табылады деп, сеніммен айтуға болады.

    Қызмет барысы:

• Қазақстан Республикасы нормативтік құқықтық актілерінің мемлекеттік тізілімін жүргізу;
• «Заң» деректер базасын қалыптастыру;
• заңды және жеке тұлғаларға ақпараттық-құқықтық қызмет көрсету;
• Қазақстан Республикасы Әділет министрлігінің веб-сайтын сүйемелдеу.